搞錯呀…..晨早流流就被某兄台屈我搞亂佢d野wo…仲當場鬧我tim….我無辜ga……我無搞過佢d野ga…..我可以向天發誓呀……點解死都話係我做呀????不過既然佢死都係話係我做ge話,我都冇計………我只係想澄清番jie……

好運十蚊飯盒,好味兼抵食,為左草錢砌新機,要我食薯片我都滯……

今日lunch又同童伯文佢地去攻城玩(即沙田公園北園)…….飛機柏真係冇乜運啦…..

今日係星期五,為Day 1…英文堂實在太悶啦…..

e牌成日有人問我點解想揸巴士???而唔去做律師、醫生等職業…….因為我個人覺得做醫生呢d咁高層ge工作都係唔岩我….而我又十分之鍾意巴士個駕駛室、引擎聲同埋車身…..又可以載超過一百人由一個地方去到第二個地方……我覺得真係好偉大…我最想揸ge路線係680或者N619 (通宵線有額外津貼兼且唔駛塞車,成條路好似係屬於你咁…)

仲有人咁樣糟質我:「你反正以後都係揸巴士架啦…考得咁好成績做咩啫???」我極之唔同意以上ge諗法….我唔覺得揸巴士係一個好低級ge工作lor…..其實揸巴士亦都可以係一份好高級ge工作黎ga…..而考試成績好只係為左應酬ge jie….講真ga….不過唔好理揸巴士呢份工係高級定低級,佢始終都係我ge夢想,呢一樣野係唔會改變ga…..

$2200啦….仲差$400就得架啦…

今日行過腦場來,就睇下Jumbo間野 d價…..Kingston DDR-2 667 512×2 RAM終於返貨啦…..賣$760…..不過Harddisk, Motherboard 等ge野都升左價…..但係顯示卡d價趺左成30蚊….但係心諗……GF7900GS d卡冇理由賣$1270咁平ga…仲要係華碩tim wor….不過算啦….Jumbo始終都係信得過ge…..

心急砌到C2D新機….C2D+P965…我會等你ga….

今日係星期三,尋日調左位,不過有一位小姐極之唔滿意,擺到明就係針對我啫….我唔知前世得罪過佢邊道….因而要令到佢要咁做…不過都冇計啦….

講番今日,上堂係十分之悶ge……除左中文堂吹左d水之外…不過又要背默…..但係都唔算多….

去到食lunch….我,童伯文同飛機柏一齊撇甩左Solin同林渝程…..Solin以為自己有錢大哂咩…..以為自己好勁咁…話同我鬥跑他實贏我bor….不過最後我咪又係快過佢…屌你老母…..

去到好運,我地三條友各人食左一隻雞髀…童伯文仲食埋煎釀三寶…..之後去埋麥當勞食新地,我只係食左新地筒,因為要草錢砌新機….

最後又去到沙田公園玩…我們又玩一d勁低b ge野…..玩完之後,就返到學校….

到底要945G定P965????

各位,又係我Taximan呀….今日第一堂又係上英文堂….張善茹又講左一大篇所謂偉大ge言論之後,竟然話派成績表,不過當然之後都收番啦….分數就一定冇錯ga la…不過名次方面可能有些少改動,不過希望唔會有…..早預左吳德灝係第一,到我ge時候,發覺自己竟然拿第三,亦都有全級排名的呢…..吳德灝全級六十三,低蔥蔥一名。但係世估唔到ge係,一位強勁對手居然拿十名以外…..實在可惜…..

期待新砌的電腦…到底買E6400好,定買即將推出ge E6420呢???

今日係星期四,本來唸住買PCWeekly,點知佢竟然縮水鏥到連PCHandbook Extreme都冇埋…都唔知有冇搞錯….

為左蓄錢升級電腦,於是就連飯都唔食….就買左一包薯片當晏就…..不過最後都同solin食左包撈撈…..所以都要被迫返到屋企先煎番兩隻荷包蛋來醫番個肚lor…..

講起升級電腦,我現時的電腦ge配置如下:

CPU: Intel Pentium 4 630 (3.00GHz, 800FSB, 2M L2 Cache…)(唉….時脈高又點呀??始終都係渣…)
Motherboard: ASUS P5SD2-X (北橋唔夠勁….)
RAM: Kingston 512MB DDR2-533 RAM (而家要裝Vista, 起碼都要1GB先夠…)
Display Card: Grandmars Raedon X1300 HM (可以谷到512MB,但係我唔識得谷,整係識得谷時脈,玩WTCC勁lag..)

Harddisk: Seagate Barracuda 7200.9 80GB PATA (既唔係SATA介面,又唔夠多容量…)
Power Supply: GTR 350W (功率太少啦…)

要升級的目標如下:

CPU: Intel Core 2 Duo E6400 (2.13GHz, 1066FSB, 2x1MB..)(一睇個緩衝,就知道咩叫雙核啦….)
Motherboard: Gigabyte GA-945GM-S2 (945G, 唔錯唔錯,不過想要G965多d,但係支出太多…)
RAM: Kingston 1GB DDR2-533 RAM (667mhz效能更佳…)
Display Card: ASUS EN7900GS/2DHT (7600GT早已經唔興…)
Harddisk: Seagate Barracuda 7200.10 250GB SATA II (要買SATA II,一定要睇下傳速有冇3GB/s同NCQ先至好買呀….)
Power Supply: GTR PTX-400 400W (功率尚算滿意….)

時間過得真係快….呢個xanga足足陪左我成兩年有多,雖然足足有一年的時間完全冇打過野,但係亦都多謝xanga管理員繼續替我保留本xanga…感激不已,而本xanga會繼續使用…..

不過如果唔係有兩位同學問起我有冇xanga,我根本就唔會去打番呢d日誌….真係好多謝你們倆…..

其實講番我點解會開呢個xanga啦…..當時係2004年10月到….當時xanga向香港唔算普遍……見到一些網友的xanga真係好靚…..我當初好白痴以為xanga只是用來打日記….不過我打算用來打週記,就被一些網友問候左我娘親…..駛唔駛咁呀……我鍾意用xanga打週記唔得呀???不過算啦……我都冇再計較…但係向2005年3月到,我開始發覺冇乜心情再打,於是就冇再理佢…..直至上述哥兩位同學提起之後,我先再打番,直至來而家….

雖然呢個xanga冇經過乜野風風雨雨,不過我都好開心…我個xanga竟然可以留到來而家….

今日繼續派卷,真係想係發惡夢,首先派英文作文、Listening 同 Oral……勁差…..Listening 仲話好d….都有23/30,但係作文同Oral分別只係得25/40 同16/30….我真失敗……

之後派普通話,聆聽和讀本哥份得38/45咋……說話更只有27/30,總分只有44/50,呢一科吳德灝最拿手,亦都係全班最高分……48/50

跟住就係西史,又係勁差…..得79/100,吳德灝又係最高分,有94/100……我向填充失哂分…..

中文派埋剩下的卷,卷一淨係得34/60,激死,含撚啦…Solin, 飛機柏都高分過我……至於其他就唔方便透露…

最後就係中史…..唉…………得53/75,吳德灝竟然有69/75,真係好差好差好差……實俾阿媽打鳩我….

我真失敗,想拿十名以內??除非太陽由西邊升起….

今日繼續派卷,分別派左EPA同Geography….EPA得64/75,之後又俾埋平時分,只係得13/15而已…

至於Geog方面。好野呀!!!!!拿69/75,全班最高……從來未試過…..總分為92/100…..終於可以反勝其他的同學啦…

今日午飯,童伯文話去友田食,咁我地咪就範lor….之後途中又撇甩左林渝程,搞到得番四個去友田,食一碗麵加汽水同壽司四件足足$28,$25就差唔多…

至於明天的考試結果,最驚就係西史,因為真係好難…..

你阿媽個仔….今天派卷呀…成績幾撚差呀(唔講都要講架啦,因為實在太激氣),首先上IS,派左份卷,得哥撚60/75分…仆街,屌你老母去青山啦…..最高分哥個67呀,離哂大譜…

根住就派英文卷二,勁仆街,含撚啦…..69/100咋,飛機柏,童伯文都高分個我呀….最高分哥個都有90啦…..他媽的…..企鵝都87呀…..你話我醜唔醜呀…..

第五堂派中文作文,又仆街,得34/60咋….早就唔應該向長文哥part寫我自己係發夢啦….

最後maths…派左卷一,去死啦….57/75,如果可以將兩個數字掉掉轉的話咪好lor…不過都冇可能架啦…因為我真係仆街….

之後卷二,發覺自己錯左九條….又係得57/75…..死得啦…..